Эхинококкоз киhиэхэ сыстыан сѳптѳѳх паразитарнай ыарыы

Эхинококкоз киhиэхэ сыстыан сѳптѳѳх паразитарнай ыарыы

Эхинококкоз булчут ыттарга ордук дэлэйбит, аһара кутталлаах лиистик. Лиистик кээмэйэ олус кыра, уhаабыта 5 мм. Ыт очоҕоhун иhигэр хас эмэ сүүhүнэн, тыhыынчанан устууккаҕа тиийэр үѳн үѳскүѳн сѳп. Холобур, тайаҕы, табаны охторон баран киhи сиэбэт (тыҥатын, быччаххайдарын о. д. а.) эбэтэр баастаах, искэннээх уорганнарын ыкка биэрдэхтэринэ, ол уорганнарга эхинококк хабаҕа баар буоллаҕына, ыт лиистиктэнэр.

Сыстан баран 2-2,5 ый устата ыт очоҕоҺун иһигэр эхинококк сайдар, ууһуур чиэрбэ буолуор диэри улаатар. Бу сайдар кэмигэр киһиэхэ, атын да кыылларга куттала суох. 2,5-3 ый буолаат ыт иhигэр сылдьар чиэрбэлэр бүтэhик чилиэниктэрэ быста-быста ыт хойуутун кытта тахсан киирэн бараллар, ыт кэлин ѳттүн түүтүгэр сыстан хаалаллар. Бу кэмҥэ киhи оннук ыты имэрийэрэ, ыт сыппыт сирин хомуйара, хойуутун ыраастыыра олус кутталлаах.

Ханнык баҕарар паразит сылдьар «хаhаайынын» доруобуйатыгар, ыкка, буортуну оҥорор. Үксүлэригэр крючья, присоска, уос, тиис баар. Ол органнарынан хаhаайыннарын очоҕоhун бааhырдаллар, ол баас нѳҥүѳ атын кутталлаах микроорганизмнар киирэллэригэр суол аhаллар, аллергия, гельминт токсиннарыттан сүhүрүү курдук ыарыыларынан ыалдьаллар.

Онон, убаастабыллаах булчуттар, ыттаргытын сылга 4-тэ, ол эбэтэр кварталга биирдэ дегельминтизация оҥоттороргутун умнумаҥ! Ордук ыыраахтаах кыылары бултаан баран. Үѳhээ суруллубутун курдук, эхинококкоз диэн кутталлаах ыарыы толору ситэр стадиятыгар тиийиэн иннинэ, АЛЬБЕН С, АЗИНОКС ПЛЮС диэн эмтэринэн эмтиэххэ сѳп.